Injongo yeSebe leeNkonzo zoLuleko kukuba negalelo ekuncedeni uluntu nasekukhuseleni uluntu olunobulungisa, uxolo nokhuseleko ngokuthi:

• linyanzelise izigwebo eziwiswe ziinkundla
• ligcine amabanjwa ngokukhuselekileyo
• likhuthaze wonke amabanjwa nabo baphantsi kwesigwebo sokolulekwa luluntu ekubeni asebenzele uluntu aphuhliseke ngokunjalo.

Owona msebenzi ungudoqo weli Sebe kukugcina abaphuli-mthetho ngendlela ekhuselekileyo libabeke neliso ngokunjalo. Liqhuba iinkqubo zokulawula iingxaki ezinokuvela ngokubhekiselele kubophuli-mthetho kwaye liyawamkela umbono omalunga nobuntu namalungelo abantu ngokubhekiselele kubo bonke ababandakanyekayo.