ISebe leMisebenzi yoLuntu linoxanduva lokuqinisekisa ukuba amaSebe eSizwe anezakhiwo ezihlangabezana neemfuno zawo ngokwezimali, ezobugcisa nezentlalo. Oko likwenza ngokuthi libonelele ngeendawo zokusebenzela loo maSebe, lizakhe lizigcine zikwimo efanelekileyo ngokunjalo. Likwajongene nokufumana nokuchitha imihlaba yoMbuso, lilawule kananjalo ligcine iipropati zoMbuso zikwimo efanelekileyo.

Eli Sebe likwanoxanduva lokuqhuba iNkqubo yeSizwe yeMisebenzi yoLuntu ngokuthi:

• lidale iiaseti ngenkqubo yemisebenzi yoluntu esekelezwe eluntwini ngokwalo, i-Community Based Public Works Programme (CBPWP)
• libenefuthe kushishino lokwakha neepropati, liluzinzise ngokunjalo
• liqinisekise ubukho beeenkqubo zokubonelela ngeziseko zokuqhuba umsebenzi, oko likwenza ngendlela edala imisebenzi, exhobisa uluntu ngamandla nephuhlisa izakhono zabasebenzi.

Ngenkqubo yemisebenzi esekelezwe eluntwini eli Sebe likhuthaza abo babesak