iSebe Lenzululwazi Nobugcisa

lijolise ekuphakamiseni nasekuphuhliseni inzululwazi nobugcisa bonxibelelwano ngokusetyenziswa kweenkqubo ezinokufezekisa eli phupha ezifana nephulo iNational System of Innovation (NSI). Eli Sebe lizama ukuzisa amacebo okubeka inzululwazi nobugcisa bonxibelelwano ukuba zisebenzele ukwenza umahluko ekukhuleni nakuphuhliso ngendlela ebonakalayo necacileyo, kwiingingqi ezihlala nezisetyenziswa lulo lonke uluntu lwaseMzantsi Afrika.

Nazi iinjongo zeli Sebe:

• Kukwandisa indima edlalwa ngamaziko eNzululwazi, Ubunjineli, Nobugcisa Bonxibelelwano kwisicwangciso-qhinga sephulo iNational System of Innovation.
• Kukwandisa ulwazi kuluntu, ukwenza uluntu lukwazi ukuyilangazelela nokuyihlola nokuyiqonda kakuhle le nkqubo iyiSET.
• Ukomeleza indima emayidlalwe ngamashishini abucala kule NSI.
• Kukulawula ukusekwa kwamaziko amatsha eli phulo.
• Kukuphakamisa oku kunaniselana kuluntu oluphandayo.
• Kukuphakamisa amatyathanga entsebenziswano phakathi kwabaphandi baseMzantsi Afrika kwakunye kwakunye namaziko amazwe ngamazwe enzululwazi nobugcisa bonxibelelwano.
• Kukubeka kwinqanaba lehlabathi kwanokunika igama amandla okwenza le SET oMzantsi Afrika.
• Kukuphucula umgangatho nobunzulu bolwazi lweenkcukacha-manani lweSET.
• Kukuphakamisa ukufikeleleka nokusetyenziswa kolwazi njengesibonelelo esilulutho eluntwini.
• Kukwandisa ukufikeleleka kolwazi nokujongana namalinge okwazisa uluntu ngenzululwazi.

Iintshukumo zeli Sebe ziquka iinkqubo ezikula macandelo:

• inzululwazi noluntu
• uphuhliso lobugcisa bonxibelelwano
• ubugcisa ngezidalwa
• amatyathanga entsebenziswano ambolo-mbini
• amatyathanga entsebenziswano amaziko amaninzi
• ulwazi lwemveli
• uluntu olunolwazi.